Менің қызметім жайында - О моей службе

«БАҚАРА» СҮРЕСІН ОҚЫҒАНДА НЕ ӨЗГЕРІС БОЛАТЫНДЫҒЫН БІЛЕСІЗ БЕ?

модератор — Fri, 04 Aug 2017 17:51:56 GMT

Құранның әрбір сүрелері өзіндік қасиетке ие. Олардың Алла Елшісіне (с.ғ.с) түсу мерзімі мен уақытына қарай өзіндік сыры мен тарихы бар.
Әрбір сүре қанша зерттелсе де, әлі де толық ашылмаған құпияға толы екендігі күні бүгінге дейін айтылуда. Талай ғалымдар Алланың сөзін зерттеумен өмірін өткізсе де, қасиетті Құранда құпия әліде көп. Құрандағы тылсым сырға толы сүрелердің бірі-«Бақара» сүресі.
Бұл сүресін оқу туралы және маңыздылығы жайлы ардақты Пайғамбарымыз (с.ғ.с) былай деген екен: «Үйлеріңді қабірге айналдырмаңдар, ал «Бақара» сүресі оқылатын үйге шайтан кірмейді». Демек, бұл сүренің маңыздылығы мен басымдылығы оның адамды аздырушы шайтанға жол бермеуінде жатса керек. (Ахмад, Муслим).
Ислам ғұламаларының аталаған сүре туралы танымдық ойларын жалғастырсақ: Ибн Масғұд (р.а): «Кімде-кім түнде «Бақара» сүресінен он аят оқыса, ол үйге шайтан кірмейді: басындағы төрт аят, Аятул-Күрсі, оған дейінгі екі аят және соңғы үш аят» деп, әйгілі сүренің маңыздылығын саралаған.
Хадистерді парақтасақ: «Бақара» сүресінің соңғы екі аятын түнде оқыса, оған жеткілікті». (Бұхари) деп, дәйектер келтірген. Бір сөзбен айтқанда , «Бақараны» оқу барлық жамандықтан сақтауға жеткілікті делінген. Басқа да ғалымдар «Шайтанның жамандығынан сақтауға жеткілікті», «Адамдар мен жындардың жамандығынан сақтайды» деп тәпсірлеген.
Сонымен қатар «Бақара сүресін оқыған адамға жаннатта бір тәж кигізіледі» деген.(Бәйһақи)
Хадистерде:«Барлық нәрсенің шыңы бар. Құранның шыңы – Бақара сүресі. Түнде оқылатын болса үш түн, күндіз оқылатын болса үш күн ол үйге шайтан келе алмайды» деген. (Әбу Йала, Табарани)
Және де «Бақара сүресінің әр аятымен сексен періште түскен. “Аллаһу ла илаһа илла һуәл Хаййул қаййум” Аршы аланың қабатынан шығарылып жеткен» делінеді. (И. Ахмед)
Бұған қарағанда аталған сүренің қасиетінің шексіздігіне көз жеткіземіз.
Сонымен бірге мұнда «Аятәл күрсидің» маңыздылығы айтылған.ислам ғалымдары:«Құран сүрелерінің абзалы – «Бақара» сүресі. «Бақара» сүресінің аяттарының ең үлкені – Аятәл күрси. Шайтан «Бақара» сүресі оқылғанын естіген үйден шығып кетеді» (Рамуз) деген.
«Жындардың қанішерлеріне Бақара сүресіндегі мына екі аяттан қатты тиетін нәрсе жоқ. “Уә илаһукум илаһун уахидун”-нен басталатын екі аят» деп «Бақара» сүресінің зиянды жындардан қорғайтын қасиетін айтқан. (Дәйләми)
Сондай-ақ «Бақараның қасиеті Алла Елшісі (с.ғ.с) пайғамбарымызға Миғражда берілген үш ерекшеліктің қатарында екендігі белігілі. Олар:
1. Бес уақыт намаз,
2. Әмәнәррасулу аяттары,
3. Ширк қоспай өлгендердің күнәларына шапағат ету құқығы, деп белгіленген. (Абдуллаһ ибн Мәсуд)
Сондықтан аталған сүренің тағылымдықа маңызы айырықша.

Ибраһим қажы Қарнақбайұлы
Шығыс Қазақстан облысы, Өскемен қаласы
«Мұхамади» мешітінің бас имамы

qalam.kz

Еще раз о расписании ораза - 2017

модератор — Sat, 17 Jun 2017 04:21:12 GMT

Уважаемые земляки!

Подходит к концу месяц Рамадан, но все чаще прихожане и посетители сайта просят еще раз напомнить расписание оразы, последующих за ней праздников и времени молитв. К Священному месяцу Рамадан Духовное Управление Мусульман Казахстана подготовило РАСПИСАНИЕ ОРАЗА, согласно которому мусульманам будет легче ориентироваться во времени соблюдения поста. Скачивайте расписание с краткими комментариями ЗДЕСЬ.
С уважением, Ибрагим кажы Карнакбайулы.

Айнаның ас үйде тұрғаны абзал

модератор — Wed, 26 Apr 2017 14:35:11 GMT

Әрбір үйде, тіпті кеңсеге де сән беріп тұратын, әрі керек кезі көп айна жайлы айтылатын әңгіме көп. Кейбіреулер оны үйге береке кіреді десе, енді біреулер сыйлыққа айна беру араға сызат түсіреді деп жатады. Ал оны үйдегі өз орнына қою табыс пен береке шақырады екен. Ендеше оның орны қайда екенін біле жүріңіз.
Деректерге сенсек, айна кіре беріс есікке қарама-қарсы орналаспауы тиіс екен. Егер олай тұрса есіктен кірген кіріс айнаға шағылысып, шығып кетеді деген наным бар. Сондай-ақ үй иелері түрлі кедергілерге тап болып, жүйке жүйесінің тез шаршауына соғуы мүмкін.
Айнаны жатын бөлмеге қоймаңыз. Қойған күнде де одан ұйықтайтын төсек көрінбеуі керек. Бұл үйде немесе ерлі-зайыптылар арасында дау-жанжал шығуына себеп болуы мүмкін. Немесе адам ауруға шалдығып қалуы да ғажап емес. Бүгінде жатын бөлмеге қоятын жиһаздарда төсектің бас жақтаулары айнамен көркемделеді. Мүмкін болса ондай жиһазға жоламаған дұрыс деседі.
Ас үйде айнаны үстелге қарама-қарсы қабырғаға ілу керек. Қытайлар дастархандағы тағамның бәрі айнадан көрінсе, ырыс молаяды деп сенеді.
Айнаны қонақ бөлмеге қоюға болады. Әсіресе сырт жақтан әсем таиғат шағылысып тұрса, пайдасы зор болмақ. Бірақ айнаға сырттағы қоқыс жәшігі сияқты жағымсыз нәрселер шағылыспағанын қадағалау керек. Олар жаман энергияны үйге тартуы мүмкін.
Үйдің төбесін, не еденін айнадан жасалған жылтыр тақтайшаармен /плитка/ көркемдемеу керек екен. Себебі бөлшек айнадан адам өз бейнесін теріс жағынан немесе бөлшектеп көру кері әсерін тигізуі әбден мүмкін.
Айнаның алдына бірнеше кесек қағаз ақшаларын шашып қойса, табыс көзі молаяды деген сенім бар.
Адам бейнесінің айнадан толық көрінгені жақсы.
Үйде сынық немесе шынысы тозған айнаны пайдаланбаңыз.
Міне, айна жайлы осындай түсінік бар. Әрине-оған сену-сенбеу әркімнің өз ықыласы. Дегенмен бәрі де Алла тағаланың қолында ененін ұмытпайық.

ӨСКЕ ТОРҚАҰЛЫ (1788-1857)

модератор — Fri, 24 Mar 2017 13:58:41 GMT

Ассалаумағалейкүм, би Наурызбай,
Жігітке дәулет бітсе көңілі жай.
Кетпейді жүрегімнен өлгенімше
Шекерсіз бесінде ішкен үш кесе шай.

Дегенің «қонақ кәде» қайдан шықты,
Шекерсіз бесінде ішкен шайдан шықты.
Сабада күмпілдеген қымыз тұрып,
Күбіден быршып кеткен айран шықты.

Қартайсаң түрлі қайғы түседі еске,
Байпаңдап біз ақсақ нар ерген көшке.
Үйіне Науанжанның қонайын деп,
Қонаға шабан көкпен келдім кешке.

Науанжан қылған істің бәрі бекер,
Қыпшақты Қарабалық қылдың нөкер,
Көрмедім келін иттей көргенсізді,
Салмады дастарханға жалғыз шекер.
Көп беріп көргендінің қызын алсаң,
Үйіңе мейман келсе, құрмет етер.
Аз беріп көргенсіздің қазын алсаң,
Байымен бір жатқанын міндет етер...

Қартаймаудың амалы

модератор — Thu, 23 Mar 2017 14:42:15 GMT

Мен өзім көптен бері тамақтанудың белгілі бір ережесін қатты ұстанамын. Сондықтан болар деп ойлаймын, қатарластарымнан әлдеқайда сергек те белсендімін. Ол мына «рецептің» арқасында:
- Таңқурай қандағы қанттың мөлшерінің бір деңгейде болуын қамтамасыз етеді. Әрі диабетке қарсы тұрады. Қыс кезінде оның кептірілген өнімін қант қоспай, шай етіп ішуге болады.
- Көк шайды күніне екі рет бір стаканнан тұрақты ішкен жағдайда ішекті обыр кеселінен сақтайды.
- Сәбізді тұрақты үзбей жеп тұрсаңыз, сіздің теріңізде обыр кеселі болмайды.
- Суда піскен картопта қан қысымын төмендететін калий көп.
- Қатты ірімшік ағзада болатын сілтілі қышқылдың тепе-теңдігін сақтайды. Әрі тіс эмалінің бұзылуына жол бермейді.
- Саумалдылық көз жанарының көруін арттыратын және көз ауруларына қарсы тұра алатын лютеинге бай.
- Сарымсақ күнделікті бәрімізге керек. Бәрінен бұрын ер кісілерді простатит обырына ұшыраудан сақтайды.
- Кофе ми жүйесі жұмысын кемінде 90 минутқа жандандырады. Таңертең ішкен бір шынаяқ кофе антиоксидантардың және Альцгеймер ауруына жол бермеудің негізгі көзі болып табылады.
Т.Қалкөзов
Шымкент қаласы.

«Елестеттің көктемді»

модератор — Mon, 20 Mar 2017 16:06:03 GMT

Сұрақ: Мен мектептің жоғары сыныбында оқимын. «Елестеттің көктемді» бір ән болушы еді. Соны таба алмады. Мүмкіндіктеріңіз болса, осыған көмектессеңіздер екен.
Күлзипа, мектеп оқушысы
Жауап: Тегінде мұндай жәйіттерді өздеріңіз білуге тырысыңыздар. Өйткені бұл баршаға мәлім, ән «Шақырады көктем» деп аталады.
Әні: Ә. Бейсеуов,сөзі: Т.Молдағалиев

1. Елестеттім көктемді гүл ашқан,
Көздеріңе ғашықпын нұр шашқан.
Алыстарға жетеле, еремін.
Сені ғана бақыт деп сенемін.

Қ-сы:
Арманымдай алдағы,
Ақ шуақтай таңдағы,
Аялай бер арманым, аялай бер!
Сандуғаштар жырлаған,
Көктемдерге бір барам,
Шақырады біздерді көгорай бел!

2. Қолыңды бер, жатсынба, арманым,
Сәуледей боп аяла таңдағы.
Шақырады жас көктем гүлімен,
Шақырады жасыл бақ жырымен.

Қ-сы

Ашуланбай-ақ қойшы

модератор — Mon, 20 Mar 2017 16:03:11 GMT

Кейбір адамдар ашуланса өзіне келе алмай қиналады. Ашуы жуық арада басыла қоймайтын адамдар болса, мен оларға мынадай кеңес берер едім:
Бұл жөнінде пайғамбарымыздың мынадай хадисі бар: «Егер қатты ашуланған кезде тұрып тұрған болсаң отыр, ал егер отырған болсаң жат, оған да басылмаса дәрет ал».
Мен өзім ашуланған кезде іштей Құран сүрелерін бірнеше қайтара оқимын. Сәлден кейін сабама түсіп, ашуымның тарап кеткенін де білмей қаламын. Сіз де солай етіп көріңіз, оқырман. Пайдасы тиіп қалуы мүмкін.
А. Қалиева.

Алғыс білдірудің жайы

модератор — Sun, 19 Mar 2017 14:50:26 GMT

Алғыс білдірудің маңызы өте зор. Қазақта «қарғыс алма, алғыс ал» деген сөз бар. Біреудің шынайы алғысына бөлену адамға үлкен рухани әсер береді.
«Алғыс алған арымас, қарғыс алған жарымас», деген дана бабаларымыз. Мұнда алғыс алудың бақыт пен жақсылықтың бастауы екендігін ұрпақ санасына сіңірген. Исламда адамдардың бір-біріне алғыс айтудың маңыздылығына терең тоқталған тағылымды хадистер бар. Ұлы Жаратушы Алла Тағала өз пендесіне бір- біріне айырықша құрмет етуді, алғыс айтуды бұйырған.
Асыл дініміз, тура бағытымыз исламда алғыс жайлы кеңінен айтылады. Алла Тағала қасиетті Құранда Ибраһим сүресінің 7-аятында «Раббың былай бұйырады: Ант етеміз, егер шүкір етсеңдер расында сендерге нығметтерімде еселеймін және де ант етеміз, көз жұма қарасаңдар, шүбәсіз, менің азабым өте ауыр»,-дейді.
Яғни Алланың берген нығметтеріне шүкір ету, ұлы Жаратушыға алғыс айту туралы осылай деп бұйырды. Демек, біз Аллаға шүкірлік етіп, алғыс білдірсек, адамға соншалықты нығмет, жақсылық бар.
Құрандағы Рахман сүресінің 60-аятында: «Сендерге жасалған жақсылыққа жақсылықпен жауап қайтырыңдар!» яғни біреу жақсылық жасаса оған жақсылық жаса дейді, алғыс айту, шынайы ниетті білдіруде жақсылық жасау болып табылады. Ендеше жақсылыққа жақсылықпен жауап беру керек.
Алғыс туралы тағы да Құранның Лұқпан сүресінде: «Ей, құлым! Маған шүкір ет, ата-анаңа алғыс айт. Маған қайта ораласыңдар! Мен сендерді жауапқа тартам. Маған деген шүкірлерің мен адамдарға деген алғыстарың үшін сендерді сыйға бөлеймін» деп ұлы Алла Тағала өз құлдарына үкім етті. Жақсылық жасаушыларға сөзсіз екі дүниеде жақсылық бар екендігін осыдан байқауға болады.
Ардақты пайғамбарымыз (Оған Алланың игілігі мен сәлемі болсын) өз хадистерінде «Адамдарға алғыс айта алмаған адам, Аллаға шүкір ете алмайды» деген. Бұл сөзде зор тағылым ғибрат бар. Алғыс айта білу адамның өз мәдениеттілігін, қарым қатынас мәдениетінің жоғарылығын білдіреді. Халқымызда «Жақсы сөзге жан семіреді» деген дана сөз осының белгісі болса керек.
Дәулет Қабидолдин,
Шығыс Қазақстан облыстық «Халифа Алтай» мешітінің найб имамы.

Ақжелкен, бал, жұмыртқаның сарысы секпілге ем

модератор — Fri, 20 Jan 2017 14:46:14 GMT

Қазір секпілді лазер арқылы, химиялық жолмен дүркін-дүркін пилинг жасау арқылы кетіреді.
Сондықтан ең дұрысы-сұлулық салондарына, дерматологиялық кабинеттерге барып, секпілді бір кетіртіп алып, одан әрі күн көзінен жиекті қалпақ киіп, қолшатыр ұстап, сыртқа шыққан сайын күн әсерінен қорғайтын фотоқорғаныштық кремдер жағып, мейлінше сақтанып жүру.
Беттегі секпілді, пигменттік ақтарды ағартып, көрінбейтіндей жасауға болады. Енді өзім білетін мына емдік тәсілдер туралы айтсам деймін. Керек болса қолданарсыздар.
Дайындау және қолданылуы: 2 ас қасық ақжелкен (петрушка) ұнтағына 150 мл қайнаған су құйып, баяу отта 15 минут қайнатып, содан соң 50-60 минут тұндырып, сүзіп, сүзіндіге 1 ас қасық бал мен 1 жұмыртқаның сарыуызын қосып, мұқият араластырып, бетке жағады. 15 минуттан кейін алдымен жылы, сосын салқын сумен жуып тастап, айнаға қарап, секпілдің байқалмайтынын көруге болады.
Л.Хасанова,
Қапшағай қаласы.

Сәлем беру, сәлем ету

модератор — Fri, 04 Nov 2016 11:22:40 GMT

Алыс жолдан келген жолаушының немесе сол елдің адамының ауыл ақсақалдарына немесе белгілі адамдарға әдейі іздеп барып, сәлем беруі қалыптасқан ұлттық дәстүріміз. Кейде «Алыстан алты жасар бала келсе, алпыстағы шал сәлем береді» дегендей, жөн білетін үлкендердің өзі барып сәлемдесетін де жол бар. Егер сәлем ер адамға қатысты болса, «сәлем берді» деп айтылады.
Сәлемнің басқа түрі де бар. Мысалы, сыйлы ата, ене, қайынағаларына кездескенде, көргенде келіні оларға иіліп сәлем қылады. Үлкен кісілерден табақ қайтқанда да да иіліп сәлем қылады. Үлкен кісілерден табақ қайтқанда да келін сәлем қылады. Үлкен кісілерден табақ қайтқанда да келін сәлем етуі керек. Ондайда біреу: «Келіңіз сәлем істеп жатыр», деп хабарлайды. Үлкендер оған риза болып, батасын береді. Келіннің сәлем етуі әдептілік пен сыйлаудың белгісі ретінде қабылданады. Сәлем әйел адамға қатысты болса, оны «сәлем етті» дейді.
Сәлем қылудың тағы бір өзгеше түрі де бар. Егер бір адамның мойны құяң болып, басын бұра алмай қалса, онда ол кербез адамның сыртынан сәлем қылуы керек. Халық ұғымы бойынша, құяң сонда жазылып кетеді деген сенім болған.