"Елбасын сайлаймыз…"
Еліміз енді бірер күннен кейін ел басшысын айқындайтын саяси науқанға белсене қатысуға даяр отыр. Мұны қалың көпшілік, олардың ішінде мұсылмандар қауымдары жақсы біледі. Күнделікті бұқаралық-ақпарат құралдарында саяси науқанға әзірлік жұмыстарының барысы кеңінен әйгіленуде.
Төрт үміткердің-Патриоттар партиясының кандидаты Ғани Есенгелдіұлы Қасымовтың,
Коммунистік халықтық партиясының кандидаты Жамбыл Аужанұлы Ахметбековтің,
"Нұр Отан" ХДП кандидаты Нұрсұлтан Әбішұлы Назарбаевтың,
кандидат Мэлс Хамзаұлы Елеусізовтің үгіт-насихат топтары мен штабтарының белсенді жұмыс жүргізіп жатқандары баршаға аян.
Қалың жұртшылығымыз ырыс пен ынтымағымыз үстем болсын деген ниетпен Елбасын сайлауға ұйымшылдықпен қатысамыз десіп отыр.
А. Орынбаев
|
