Ақтаудан
кейін Елбасы Нұрсұлтан Назарбаев Жаңаөзенге келді. 16 желтоқсан күні –
ел Тәуелсіздігі мерекесі тойланатын уақытта бұл жерде бүлік шығып, 14
адам қаза тауып, бірнеше тұрғын жарақат алды.
Қылмыскерлер әкімшілік ғимараттарға өрт
қойып, тұрғын үйлерді, дүкендер мен банкоматтарды тонады. Қазіргі таңда
Жаңаөзендегі жағдай тұрақтанды, басқарушы мекемелер қалыпты жұмыс
режиміне көшті. Мемлекет басшысы Нұрсұлтан Назарбаевтың тапсырмасымен
қаланы қалыпқа келтіру үшін 3 миллиард теңгеден астам қаражат бөлінетін
болды. Президент Жаңаөзендегі өзекті проблемаларды дереу шешіп,
адамдарды жұмысқа орналастыруды тапсырды. Қоғамдық тәртіп бұзушылықты
ұйымдастырушылар анықталып, ұсталды. Қазір тергеу жұмыстары жүріп жатыр.
Сарапшылардың айтуынша, оқиғаға кінәлілер Қазақстаннан тыс жерде жүр.
http://khabar.kz
