Бұқаралық ақпарат құралдарында жарияланғандай өткен апта ортасында Астана қаласындағы Назарбаев университетінде «Қазақстан білім қоғамы жолында» атты тақырыпта интерактивті дәріс өтті. Технологияның дамыған дәуірінде мектеп оқушылары мен балабақша бүлдіршіндерін, студенттер мен ұстаздар қауымын қосқанда 5 млн астам адам тамашалай алды.
Алдымен Елбасы ұлттық сандық телехабар тарату бағдарлама аясында еліміздің тұңғыш танымдық-ағартушылық бағыттағы «Білім» телеарнасының тұсауын кесті. Аталмыш арна қазақ, орыс, ағылшын тілдерінде хабар тарататын Қазақстандағы жалғыз арна. Телеарнаның басты мақсаты-еліміздің болашағы жастарға білі мен ғылымды насихаттау, олардың қызығушылығын арттыру. Көрермендер отандық және шетелдік танымал ғалымдардың дәрістерін, оқушылар мен студенттерге арналған ғалымдарды және танымдық бағыттағы деректі фильмдер көруге мүмкіндік алады.
Отандық білім беру саласындағы жаңа дәстүрге айналған интерактивті дәріс заманауи ақпараттық технологиялардың арқасында республикадағы барша білім беру мекемелеріне қолжетімді болып отыр. «Қазақстан білім қоғамы жолында» тақырыбында өткен интерактивті дәрісті С. Аманжолов атындағы Шығыс Қазақстан мемлекеттік университетінің үш корпусында 1000-нан аса адам тыңдады. Н: Назарбаев барша қазақстандықтарды жаңа оқу жылымен құттықтай келе, ел тізгінін ұстар жастармен жүздесіп, ой бөлісудің үлкен қуаныш екенін жеткізді.
...Бұл жөнінде ағымда баспасөз беттерінен кеңірек танысуларыңызға толық мүмкіндіктеріңіз бар.
|
