Аltaynews.kz: 11 млн. қазақ үш жүзге бөлінсек ел бола алмаймыз. Бүгін Астанада өткен "Жас Отан" жастар қанатының ІІ съезі барысында сөз сөйлеген Елбасы Н. Назарбаев осылай мәлім етті."Қазақты ешкім де жаулап алған жоқ, тек қана елдің ішіне іріткі жасап, жаулады", - деп атап өтті Н. Назарбаев. Сонымен қатар, Президент Ресей патшалығының отарында болғанда қазақты жүзге бөлу, солайша билеу сіңгенін еске салды."Біз - қазақпыз. Кешегі күні де айттым, 11 млн. қазақ болдық. Енді соны үшке бөлетін болсақ, онда ел бола алмаймыз. Ресейдегі Екатерина ІІ-нің бұйрығы бар "Әр сұлтандарды, байларды бір-біріне қарсы қойып, байларды соғыстырып, бір-біріне ата жау қылып, қан шығарып жаулап алыңдар" деген. Барлық жағымыздан, қоқаннан, жоңғардан келген жау да солай істемек болған", - деді Н. Назарбаев.Сонымен қатар, Мемлекет басшысы Тәуелсіздіктің күші мен мығымдығы - бірлікте екенін баса айтты. "Біз қаны бір, жаны бір - тұтас бір ғана ұлтпыз. Іште де сыртта да солай жүрсек игі. Алайда, солай екен деп еш уақытта басқа ұлттың, басқа діннің адамдарын ренжітуге болмайды", - деді Нұрсұлтан Әбішұлы.Мәлімет көзі: Аltaynews.kz
|
