 Жуырда «Білім» баспасынан Қазақстан мұсылмандары діни басқармасының төрағасы, Бас мүфти, шейх Әбсаттар қажы Дербісәлінің 2007-2010 жылдары атқарған іс-шаралар шежіресі жеке кітап болып жарық көрді. Көлемі 52 баспа табаққа жуық. Бұл кітап Дінбасы, шейх Әбсаттар қажы Дербісәлі басшылық жасайтын Қазақстан мұсылмандары діни басқармасының айнасы іспетті. Өйткені, мұнда осы аралықта атқарылған маңызды шаруалар тайға таңба басқандай етіп жазылған. Алла қаласа, болашақта еліміздің Ислам тарихын зерттеушілер діни басқарма жайлы мәліметтер мен деректерді осы еңбектен табары анық.
Дінбасының басшылығымен діни басқарма 2007-2010 жылдар аралығында ата дініміздің өсіп-өркендеуіне сүбелі үлес қосып, қыруар игі істер атқарды. Діни басқарма мүмкіндігінше алға қойған мақсаттары мен жоспарларын тиісінше орындап, елімізде бейбітшілік пен ауызбірліктің орныға түсуіне үлес қосты. Бұл кітаптан оқырман осыған қатысты көптеген деректерге қаныға алады.
muftyat.kz
|
