Жуырда ҚМДБ-ның Өскемен өңіріндегі өкілі Н. Байжігітұлының ұйымдастыруымен аймақтық имам-молдалардың кезекті жиналысы болып өтті. Скайп жүйесі арқылы онлайн режімінде жүргізілген жиналысты ҚМДБ Ақпарат басшысы Ғылымбек Мәжиев жүргізіп отырды.
Күн тәртібінде 2013 жылғы Рамазан айының ұйымдастырылуы, діни оқу орындарына шәкірт дайындау, мешіт жамағатын діни сауаттандыру мен оқыту, ауыл имам-молдаларының білімін жетілдіру, мешіт жанындағы діни сауат ашу курстары, т.б. мәселелер қарастырылды.
Биылғы Рамазан айы ҚМДБ-ның төрағасы, Бас мүфти Ержан қажы Малғажыұлы хазреттің жергілікті жерлердегі барлық өкілеттерге жүктеген тапсырмасына сәйкес жылдағыларға қарағанда өзгеше ұйымдастырылып, ерекше жағдайда атап өтілгендігі айтылды.
Жиналыс барысында жекелеген имам-молдалардың ісіндегі кемшін тұстары өткір сынға алынып, ескерту жасалды.
ҚМДБ-Өскемен өңірі бойынша өкілдігінің баспасөз қызметі
|
