Өскемен орталық мешітінің баспасөз қызметі: Қасиетті дінімізді теріс бағыттардан ажыратып,
халыққа дұрыс түсіндіру бағытында Өскемен аймақтық өкіл имамы Нұрлан
қажы Байжігітұлы көптеген еңбектер атқаруда. Соның бірі облыстық
онкодиспансер ұжымынан дәрігер, мейірбикелермен қос тілде кездесу
өткізді. Аурухана төсегіне таңылған кейбір салафи бағыттағы науқас
адамдар басқа науқастарға уағыз жүргізуіне тосқауыл ретінде
ұйымдастырылған алдын алу шаралар еді әрі облыс көлеміндегі барлық
ауруханаларда да өтетін болды. Өкіл имаммен бірге бұл жолғы жиынға
Православие дінінің өкілі қатысты. Сонымен қатар, алдағы күндерде осы
тұрғыдағы кездесу Шығыс еліндегі алпауыт барлық құрамы қамтамасыз
етілген Казцинк мекемесінің бөлімдерінде жүргізілінетін болады деген
жоспар бар. Кездесудің негізіне, күні бүгінге дейінгі Қазақстан
мұсылмандары діни басқармасының атқарып жатқан игі іс – шараларын
басшылыққа ала отырып, еліміздегі діни ахуал тек қана дін өкілдерімен
ғана шектелмейтіні, дініне қамқор, жанашыр танытатын әрбір мұсылманның
міндетіне айналатыны көзделінеді. Ниетімізге Жаратқан Алла Өзі жар
болсын!
