muftyat.kz  23 тамыз 2012ж.
 Өскеменде ең үлкен мешіттің ашылу салтанаты өтті. Мешіт құрылысы 2010 жылы басталған болатын. Бұл зәулім мешітті тұрғызуға бүкіл шығысқазақстандықтар асарлатып кіріскен еді, бүкіл аудандар мен қалалардың тұрғындары Өскеменге арнайы келіп жұмыла жұмыс істеді.Тек соңғы үш айдың ішінде ғана 20 мың адам мешіт құрылысына ат салысты. Бір кірпішін қаласса да, сауапты іс жасады.
Сонымен қатар, мешітте халықтың қажеттілігін өтеу үшін тиісті орындар да қарастырылған. 500 адамдық қатымхана, 50 орындық медресе, кітапхана, неке қию залы, сүндеттеу бөлмелері де бар. Мешіттің ерекшелігі, оның кіре-беріс бөлігіндегі баспалдақтар астында көлік қоюға арналған 100 шақты автокөлік сиятын арнайы тұрақ бар. Мұнда келушілерге жоғары қабаттарға көтерілуге ыңғайлы болу үшін лифтілер де жұмыс істеп тұр. Зағип жандарға ыңғайлы болу үшін арнайы пандустар орнатылған.
Маңызды нысан облыс Әкімі Бердібек Сапарбаевтың қадағалауымен қысқа мерзімде аяқталды.
muftyat.kzФото http://yk-news.kz
|
