Астанада еліміздің дін істері агенттігі дәстүрлі діндер басшыларын «Тәуелсіздікке 20 жыл» мерекелік наградалармен марапаттады.
Атап айтқанда: Қазақстан мұсылмандары діни басқармасының төрағасы, Бас мүфти Әбсаттар қажы Дербісәлі, ҚР-дағы митрополиттік округтың басшысы Астаналық және Қазақстандық митрополит Александр, Астанадағы киелі Мария Рим католик архиепархиясының архиепискобы, Митрополит Томаш Бернард Пета, ҚР бас Раввины Ешая Элазар Коген бар. Тәуелсіздік күні - ұлттың, мемлекетіміздің тарихындағы ең бір ұлағатты тарихи күн. Қазақстан азаттық алған 20 жылда 1000 жылға татырлық шаруалар атқарды–дейді дін басшылары.
Әбсаттар қажы Дербісәлі, Қазақстан мұсылмандары діни басқармасының төрағасы, Бас мүфти:
-ҚР бүкіл әлемге белгілі аяғына тік тұрған ұлттар мен ұлыстар, діндер ордасына айналған мемлекет ретінде әлемге және әлімдік қауымдастыққа танылды. Біз ислам дінінің өкілдері, қайраткерлері біздің ата-бабаларымыздың осыдан 1000 жылдан астам бұрын осы асыл дінді жүрек қалауымен таңдағанын атап өтуіміз керек.
Қайрат Лама Шариф, ҚР Дін істері агенттігінің төрағасы:
-20 жылдағы еліміздегі дінаралық татулықтың, ұлтаралық татулықтың қазақсандық моделін қалаушы Елбасымыздың бүгінгі жетістіктері тек қана қазақстандықтарды ғана емес, барлық дүние жүзі дінаралық татулықты жоғары бағалап отыр. Осы тәуелсіздік күні барлық қазақстандықтарға барлық дінге сенушілерді бүгінгі зайырлы мемлекетіміздің бүгінгі мерекесімен құттықтаймыз.
muftyat.kz
|
