Қажылық сапарға әзірленушілер, жалпы білмекке құмар үлкен кішілер төмендегі деректерді айқын білуге тырысады. Сондықтан біз Қазақстан Мұсылмандары діни басқармасының сараптау комиссиясы мақұлдаған материалдардан үзінділер ұсынамыз. Жадтарыңызда жүрсін деген ой. Жастарға айтарымыз компьютерден аулақтау жүрген үлкендерге оқып беріңіздер.Жұмыр жердің бетінде 200-ден астам мемлекет бар. Оның 60-қа жуығы ислам дінін ұстанады.***
Дүниежүзінде 2 миллиардқа жуық мұсылман бар. Демек, мұсылмандар әлемдегі жан санының 25 пайызын құрайды.
***
Қазір әлемде дәстүрлі төрт дін бар екені баршаға белгілі. Осылардың ішінде исламды қабылдағандардың саны жыл сайын артып келеді.
***
Ислам дінінің қазақ топырағына тамыр жайнағына 1250 жыл болды. Қазақстандағы мешіттердің саны 2000-нан асады.
***
Мұсылман өркениетінің дамуына, жалпы әлемдік өркениет пен әлемдік білім-ғылымның дамуына айрықша зор үлес қосқан данышпандар мен ірі ғұламалар қазіргі Қазақстан территориясынан өте көп шыққан: Әбуқасым әл-Фараби, Исмаил әл-Жауһари, Махмуд Қашқари, Жүсіп Баласағұн, Қожахмет Ясауи, Мұхаммед Хайдар Дулати, Жамалладдин Түркістани, Байлақ әл-Қыпшақи және т.б.
|
