Адам өз атын кісілікпен көтереді. (Ю. Баласағұни.)
Атың өтімді болса, өмірің татымды болады. (Ю. Баласағұни.)
Жақсы аты қалған ер өлмейді. (С. Сарайи.)
Екі атақ дүниеде құрған сәулет:
Олардың бірі-бедел, бірі–дәулет.
Мың жасап, бар атақты ап көргенде-
Хал бөтен бір күн өлім тап бергенде. (Ю. Баласағұни.)
Көтерілсең-құр салтанат құрмағын,
Төмендесең-текке қарап тұрмағын. (Б. Баласағұни.)
Туар адам, өлер өзі-ат қалар,
Кеткендердің сонда сөзі жатталар.
Екі нәрсе барлық тілде жатталар:
Бірі-жақсы, бірі-жаман ат болар.
Жақсы болсаң-мақтаулы атың сақталар,
Жаман болсаң-жаман атың датталар. (Ю. Баласағұни.)
Ұстаздың абыройы болмаса-шәкірттері оның сақалымен ойнайды. (С. Сарайи.)
Аты қалған ер өлмейді:
Адам мәңгі атағымен селбесер,
Аты қалса-бұ жалғанда өлмес ер. (Ю. Баласағұни.)
Атымтай кеткенімен, халықта аты қалды. (С. Сарайи.)
Ердің артында көп алтын қалғанша, жақсы аты қалғаны игі:
Өлер ердің алтын болмай мақсаты,
Ізгілік қой-қалған болса жақсы аты. (С. Сарайи.)
Ізгі атымен ер алғысқа бөленеді. (Ю. Баласағұни.)
Ізгі ердің сүйегі шіріп кетсе де, аты өшпейді. (М. Қашқари.)
Дүние-малды атақ үшін жияды. (М. Әлі.)
Құр атақ қуған ер өзінің түбіне жетеді. (Ю. Балсағұни.)
Жақсы ат пен ізгі атақ мәңгіге қалады. (Рашид-әд-дин.)
«Жақсы атақ қалса, ол екінші өмір болады»-дейді ақылды кісілер. (Рашид-әд-дин.)
Жалғасы бар...
|
