Бірде Шымкентте өткен ояздық жиналысқа Шойынбет би төрелік жасайды. Келгендердің кейбіреуі оның шағын денесіне, жұпыны киіміне қарап «Мыны түріңмен қандай билік айтып жарытарсың» дегендей сыңай танытады. Сонысын дәлелдегісі келген әлгілердің бірі: «Шойеке, менің сізге сауалым бар, соған жауап беріңіз»,-деп қолқа салады. Шойекең бұған қарсылық білдірмейді.
-Байлық жақсы ма, бақ жақсы ма, бала жақсы ма?-дейді әлгі. Сонда Шойынбет:
-Байлық-қолда ұстаған мұз, бақ-ұзатылған қыз, бала-адамнан қалған із,-деп жауап қайырыпты.
|
