Ел ішінде адам бол,
Ит ішінде арлан бол.

Құс қосағымен ұя салады.

Мүсәпірдің баласы,
Мықты болып өседі.

Байғұс тигенін жейді,
Бай сүйгенін жейді.

Жөтелгені-қарттың күлгені.

Жаман сөз қанша болса,
Жақсы сөз сонша.

Ұзаған сайын ауылдан
Ауылды жаның  сағынған.

Шақырмаған қонаққа
Шала піскен тамақ бар.

Жақсы көрші-жарым ырыс.

Ұшқыннан қорыққан ұста болмас.

Туасы мықты жаралған
Тайынбас аяз, бораннан.

Дені сауға дәмсіз тағам жоқ.

Есіріп, бүлдірерсің,
Ес кіріп, құн төлерсің.