Сіздің көлік сатып алғыңыз келді делік. Зауыттан жаңа шыққан көлік құнын сіздің қалтаңыз көтермейді. Сондықтан бұрын ұсталған, пайданылған көлікті іздейсіз. Жарнама арқылы немесе көлік базарынан өзіңіздің көңіліңіз қалаған темір тұлпарды таптыңыз. Бірақ оның бұрын қандай жағдайға ұшырағандығынан хабарыңыз жоқ. Яғни, көліктің қай күні сыр беретінін білмейсіз. «Сырын білмеген аттың сыртынан жүрме» деген, сол сөзді есіңізге сақтап алар-алмасыңызды білмей бөгеліп тұрсыз. Ол үшін біздің кеңесімізге құлақ түрсеңіз, бұл мәселенің түйінін оңай шешесіз.
• Ең алдымен автокөлікті алналдыра сыртынан қарап шығыңыз. Әсіресе сыртқы қораптың түсіне мұқият қараңыз. Бұрын апатқа ұшыраған көлік болса, онда оның өз түсі мен кейіннен жөнделіп, үстінен боялған тұстары ерекшеленіп көрініп тұрады. Көліктің де таза болғанына назар аударыңыз. Міні жоқ көлікті иесі тазалап, айнадай жарқыратып әкеледі. Ал оның сыртқы түсінде мін болатын болса, оның шаңын сүртуге құлқы болмай, қулыққа салуы мүмкін.
• Көлік соғылып, оған жөндеу жүргізілген болса, кәдімгі магнитті қолданыңыз. Қораптың бояуы қалың жағылған жеріне магнит әлсіз жабысады.
Жалғасы бар...
|
