Күніне 3-5 км жүремін. 2 ретинфаркт алғандықтан қатаң тәртіпті ұстаймын. Шамам жететін жұмысты анықтап алған соң, ақырындап еңбектенуге кірісемін. 30-40 минут еңбектенген соң, 20 минут демаламын. Күнделікті денеме салмақ түсірмей, белгілі тәртіппен еңбектену-әдетім. Жұмыс ақырын жүрген сайын көңіл күйің де көтеріңкі, шаршамайсың. Саяжайдың ауасы қандай таза?! Қаладағыдай шаң-тозаң жоқ. Егер еңбекті, демалысты, тамақтануды дұрыс ұйымдастыра білсең, бұл саяжайдағы демалыс болып есептеледі. Барлығы дұрыс болу үшін «Тоқта» деген өсиет сөзді ұстану керек.Т-7-8 сағаттық ұйқы дұрыс болу керек. Біреулер көп ұйықтағанды ұнатады. Ал мен 6 сағат ұйықтап, күндіз 2-ден 4-ке дейін ұйықтаймын.О-шамаң жететін іспен демала отырып шұғылдан. 40 минут-жұмыс, 20 минут-демалыс.Қ-демалыс серуен немесе ойын түрінде ұйымдастырылу керек.Т-тамақтану. Бастысы, уақытымен тамақтанған жөн. Мен таңғы асымды 8.30-да, түскі асымды 13.00-де, кешкі асымды 18.30-да ішемін. Осы тәртіпті ешқашан бұзған емеспін.А-Ешқандай диета ұстамаймын. Көңіліме ұнаған тамақты жеймін. Ақжелкен (петрушка), аскөк, сарымсақ (чеснок), пиязды үнемі пайдаланамын. Ешқашан тоя тамақ ішпеймін.Міне, осы ұстанымды ұстансаңыз, бәрі дұрыс болады.Айдын Бекасыл,
Атырау қаласы
«Денсаулық әлемі», №17 (82), қыркүйек, 2012 ж
|
