Бойды әлсіздік билеп, мұрыннан жиі су ақса, онда иммунитет әлсіреген болуы керек. Оны терінің солғын тартуынан, бет ұшы немесе қол терісінің әр жері қызаруынан да байқауға болады. Егер Сізде осы белгілер біліне бастаса, онда күніне үш рет жаңғақ пен банан жеп, таңертең және кешке сүт ішіңіз. Ас мәзірінде жұмыртқа сарысы мен бауыр болғаны дұрыс. Ол ішекте қалдық тұруынан сақтайды, артық салмақты болдырмайды және вирусқа қарсы күресуде көмектеседі.Қыста ағзада темір жетіспеушілігі көп байқалады. Оны бастың айналуы, тіс түбінің қақсауы, қанқұрт түсуінен, тырнақ пен шаштың сынғыштығынан сезе аласыз. Мұндай жағдайда дереу ас мәзіріне қарақұмықты көбірек қосуға тырысыңыз. Алма, анарды, жасыл түсті көкөністерді де көбірек тұтыну керек.Анда-санда пісте шағып, үккіштен өткізілген сәбізге зәйтүн немесе өсімдік майы мен дәмдеуіштер қосып жеу де ағзаны қысқы қиындыққа қалдырмайды. Олай болса ас мәзіріне қайтадан көз жүгіртіп көріңіз. Сіз дұрыс тамақтанып жүрсіз бе?Н. Нұрсұлтан.
(«Ауырмаңыз»№2 2012ж)
|
