 Алмұрт-раушангүл тұқымдас, жапырақтары сопақша әрі жылтыр келетін ағаш. Гүлдері ақ түсті, биіктігі 25 мертге дейін жетеді. Май айынан бастап гүлдейді де, август-октябрь айларының аралықтарында жеміс береді.
Алмұрттың жабайы түрі-еліміздің орталық және оңтүстік айдандарында, сондай-ақ Қазақстан мен Орта Азия да өседі.
Химиялық құрамы. Алмұрттың құрамына қант (6-10 пайыз), органикалық қышқылдар (негізінен алма қышқылы), азотты, пектинді және илік заттар, фитонцидтер мен А мен В тобындағы витаминдер, С витамині кіреді.
Қолданылуы. Емдік мақсатқа жаңа піскен немесе кептірілген жемісін және жапырақтарын пайдаланады.
Пісірілген және қуырылған алмұртты қатты жөтелгенде, деміккенде және өкпе туберкулезіне ұшырағанда ем үшін жейді. Қайнатындысы іш ауруын басады. Кептірілген алмұрттан жасалған қайнатындыны қызба ауруы кезінде шөл қандыру үшін ішеді. Сонымен бірге қайнатындының антисептикалық, несеп жүргізетін және іштің өтуін тоқтататын қасиеті бар. Профессор Н. З. Умниковтың пікіріне қарағанда кептірілген алмұрттан жасалған қайнатынды бактерияның несеппен бөлінуін көбейтіп, бүйрекке тас байлануын жақсы емдеуге көмектесетін сияқты.
Сұлуға қосып қайнатылған алмұртпен, одан жасалған кисельмен жас балалардың іші өткенде емдейді.
Алмұрт жапырақтарының қайнатындысын залалсыздандыратын, сондай-ақ қуық пен несеп жолдарының қабынулары кезінде несеп айдайтын дәрі ретінде қолданады.
|
