Пайғамбарымыз (с.ғ.с.) хадис шәрифінде:
«Шайтан Арафа күні қалтыраған, қорланған, мыжырайған, кішірейген болып қалады. Басқа ешбір күнде бұндай жағдайға түспейді»,-деген.
Себебі шайтан аспаннан Аллаһтың рахым-мейірімі жаңбырдай жауып, Аллаһ тағала қажылардың үлкен күнәларын кешіріп жатқанын көріп, қызғаныштан өртеніп кете жаздайды. Аллаһ пенделердің күнәларын Арафатта тұрған уақытта-ақ кешіріп жібереді.
Бір тақуа кісіге Арафат тауында шайтан лағынет белі сынған, көздері жасаурап, реңі сарғайып, азып-тозып кеткен адамның суретінде көрінген екен. Тақуа кісі шайтаннан: «Неге жылап жүрсің?»-деп сұрапты. Шайтан: «Қажылық етуші адамдар сауда жасамастан шығыпты, ниеттерінен айнымай, мені ренжітеді деп қорқып, жылап жатырмын»,-дейді. Тақуа кісі: «Неге азып кеткенсің?» деп сұрады. Шайтан: «Аттардың Аллаһ жолында терлеулері мені аздырып жібереді. Егер менің жолымда болғанда жақсы болатын еді»,-деп жауап береді. «Түрің неден сарғайған?»-деп сұрайды. «Аллаһ жолындажамағаттың бір-біріне жәрдем беруі. Егер күнә жолында жәрдем берсе, онда маған жақсы болатын еді»,-деді. «Беліңді неге сындырды?»-деп сұрағанда, «Әй, Аллаһ! Сенен істерімнің соңынан жақсы болуын сұраймын»,-деп жауап берген екен.
|
