(«Керек кеңестер №03 (11) 2011 ж»)
Сұрақ: ...Оқырман «Менің 4 жасар және 2 жасар балам бар. Екеуі де сөйлемейді. Көмектесіңіздер»...
Жауап: Дина Сейфутдинова, логопед-дәрігер:-Ең алдымен баланы тиісті мамандарға көрсетіп, оның құлағы ести ме, жоқ па, сол жағын анықтап алу керек. Егер бала естімейтін болса, онда сөйлей де алмайды. Ал еститін болса, оның сөйлеуіне мүмкіндік бар. Бұл кезде баланы логопед-дәрігерге көрсеткен жөн. Негізі бала 22 айда 20 сөз айтып, екі сөзді құрастырып сөйлей білуі керек. Әр облыста психолого-медико-педагогикалық кеңес беретін бөлімдер болады. Сауал жолдаған жан сол жерден түзету кабинетіне жолдама ала алады. Онда балаға дефектолог, логопед, психологтар сабақ береді. Ата-ана да баламен көбірек сөйлесіп, мамандардың берген жаттығуларын үйде қайталатуы керек...
|
