 «Инфарктке шалдықпайын десеңіз, аз мөлшерде болса да үнемі балық жеуіңіз керек»-Лейден университетінің ғалымдары жиырма жылдай зерттеу жүргізу арқылы осындай тоқтамға келді. Олар сонау 1960 жылы 852 отбасының күнделікті тамағы мен бұл орайдағы талғамына қатысты сұрастыру жүргізген еді. Зерттеушілердің пікірінше, күніне ең болмағанда отыз грамм балық жейтін адамдардың жүрек ауруларына шалдығуы балықты мүлдем жемейтін кісілерден екі есе кем болған.
Балық етін көп жейтін эскимостарда жүрек аурулары аз болатыны көптен белгілі. Сонда балық етінің құпиясы неде? Мұның тиянақты жауабы әлі күнге беймәлім. Бәлкім мұның сыры «омега 3» деп аталатын май қышқылында болар. Балық майында бар бұл қышқыл көкіністе, сояда, жаңғақта болады. Жүрек талмасына себеп болатын қан түйіртпектерінің түзілуіне осы қышқылдың қарсы әрекеті болуы мүмкін. Голландиялықтардың зерттеуі осы проблемаға ғалымдардың назарын аударды. Көптеген медициналық мекемелер балық диетасының жүрек ауруларының алдын алуға ықпалын жүйелеп зерттеуге кірісті. Ғалымдар балық майы қосылған айлық диета пациенттердің қанында холестерелол және ликопротеин май қышқылдарының деңгейін төмендететінін, сондай-ақ атеросклероз бен бастың сақинасына қарсы әрекет жасайтынын анықтап отыр.
|
