-Жұмыс орнындағы радиация деңгейін төмендету үшін компьютердің жанына кактус қою керек.
-Бөлменің иісі жағымды болуы үшін сөніп тұрған электролампаға иіссу немесе одеколонның бірнеше тамшысын тамызыңыз. Лампаны жаққан кезде хош иіс көңіліңізді көтереді.
-Екі бетон плитаның арасындағы саңылауды бітеу үшін сөгілген жерге ақ сыр жағып, соған дәкені жапсырады. Кейін дәкені қабырға не төбемен бірдей етіп сырлап тастайсыз.
-Линолеумнің ашығын бітеп, тегістеу үшін оның қалдығынан ұзынша таспа тіліп алып, таспаны 100 ваттық паяльникпен ерітеді де, ашықты бітеп, тегістеп тастайды.
-Сервант, диван шкаф сияқты ауыр жиһаздарды қозғау күшке түседі. Еденді де сызып, жыртып бүлдіреді. Мұның ең тиімді амалы жиһаздың аяғына банкілерді жабатын полиэтилен қақпағын қою. Сонда жиһаз еденді бүлдірмей, қалай жылжытам десең де лыпып тұрады.
-Кафельдің бірді-екісі түссе, оны орнына мына тәсілмен жапсырған дұрыс: кафельдің төрт бұрышына 20 миллиметр шамасында пенопласт қоясыз да, оның әрқайсысына 20-25 тамшы ацетон тамызасыз. Көзді ашып жұмғанша пенопласт еріп, желімге айналады. Сонда кафельді қабырғаға жапсырып, жарты минут ұстасаңыз болды. Осы тәсілмен аяқ қиімнің қайыс табанын, линолеум, паркетті де желімдейді.
-Егер глицеринмен сүртсеңіз, көзәйнек терлемейтін болады.