Ойлап тұрсам дүние бір қызғалдақ,
Дүние үшін біз жүрміз жанды жалдап.
Оралыңның барында ойна да күл,
Өте шығар бұл дүние аз күн алдап.
Дүниеде байда, мал бар, кедей малсыз,
Сонда да кедей артық байдан арсыз.
Еңбекпен ден сау болса күн көрермін,
Қалғаннан сақта тағдыр құйрық-жалсыз.
Дүниеде әркім жүрер кең болған соң,
Мен жүрмін кең дүниеде сен болған соң.
Ынтықпын сенің айтқан әр сөзіңе,
Әр сөзің дертке дауа-ем болған соң.
Тау әсем қарағайы, аршасы бар,
Сол тауға талапты жас барса шығар.
Өнер көп бұл дүниеде адам ашқан,
Бойыңда сол өнердің қаншасы бар?
Ойнап-күл дүниенің жарығында,
Көңілдің жан қартаяр жарымында.
Туған ай толғаннан соң о да қайтар,
Тұрмақ жоқ ешбір нәрсе қалыбында.
Жігіттер, күліп-ойнап көңіл аула,
Жер көріп, ел танып өс денің сауда.
Кетпейтін жанға ұқсама бұл дүниеден,
Кез келсең айла болмас ажал жауға.
|
