Кісілік қасиеттер-әр адамның өмір сүру тәсілдеріне тамызық, оның өзіндік тіршілік қабілетін жан мен тәнге бойлатады. Адам тіршілік-тынысын кеңейту үшін, алдымен өзге адамға пайдалы болуы керек. Адам өзінің адамгершілік, іскер қабілет-қасиеттері арқылы ортаға сыйлы, сыйымды болады, өзге замандастарымен қарым-қатынасты үзбейді. Екіншіден, еркін қарым-қатынаста адам жақсы мінезді жинақтайды, сондай-ақ өзгенің қажетіне бөгет болатын мінездерінен арылады. Кімде-кім тұрпайы қылығын жүгендесе, өзінің кісілігін түгендейді, өз кемшілігіне тоқтам салса, қателікке ұрынбайды.
Жақсы әдептен гөрі жаман әдет тезірек жұғады. Жаман әдет көңілді құлазытады. Жағымды мінез-көзқарас пен іс-әрекет үйлесімділігі, шындықтың шырайы. Адам өзі қолдайтын бағдарды бетке ұстаса, оның бәрі мінез жағымдылығының игі жақтары. Жағымдылық бірден қалыптаспайды. Ол туралы түсінік те біртекті емес. Өйткені мінез туралы көзқарас та әртүрлі жағдайда іріктілінеді. Мінездегі іс-әрекетте ұқсастық пен айырмашылық қатар өріс алып отырады. Мінез-киелі қасиеттердің жиынтығы. Кісі өзгеге істеген жақсылығымен ерекшеленеді, сөйтіп қоғамдық көзқарасты қалыптастырады.
|
