Бұл материалда иммунитетті арттыратын тәсілдер туралы сөз қозғамақпыз.

Сәбіздің дәнінен  100 г алып, ұсақтау керек. Оны  500 г балға араластырады. Күніне   2-3 рет бір ас қасықтан қабылдау керек. Тамақтың алдында жарты сағат бұрын және тамақтан соң бір сағаттан кейін жылы сумен ішкен дұрыс. Анистің дәнін уатып, оған дәл солай ұсақталған мейізді 1:1 есебінде қосу керек. Күніне  3-4 реттен бір шай қасықтан қабылдау керек. Жылы сумен ішкен дұрыс.

Бір стақан құрманы екі стақан сүтке бұқтырып қояды. Үстіне бір шай қасық даршын (корица) салып, жақсылап араластырады. Бір тәулікке салқын жерге қалдырады. Келесі күні құрманы сүтпен ішіп тауысу керек.
1 кг сарымсақты ұсақтап, жарты сағатқа қақпағы тығыз жабылатын ыдысқа салып, тұндыру керек. Содан кейін түбіндегі сұйықтау бөлігінен 400 г алып, 24 лимонның шырынымен араластыру керек. Қоймалжың салынған ыдыстың бетін жақсылап жауып, қараңғы жерге сақтау керек. Қолданар кезде сілкілеу керек. Бір шай қасық қасықты алдын ала салқындатылған бір стақан қайнатылған суға салып, езіп қою керек. Тамақпен бірге ертеңгісін және кешке ішу керек.