Шақшақ Қошқарұлы Жәнібекке Керейт Соқыр абыздың берген батасы
Пейілің жарық болсын,
Сонда жаныңнан кетпес туысың.
Билікті тура бер, жақыныңа бұрма,
Сонда кетпес ағайының.
Пайда түссе, бөліп бер,
Сонда кетпес жолдастарың.
Жәнібектің әкесі Қошқар осы тұста абызға шапан жауыпты. Сонда батасын жалғастырғаны:
Сонан соң алған жарың жақсы болсын,
Жаманат пен өсектен аман болсын.
Сүйген жардан перзент туып,
Ұл мен қыз, алты-жеті балаң болсын.
Балаңның бәрі бірдей момын болмай,
Біреуі мал ұстайтын адам болсын.
Қысты күні соғымды семіз сойып,
Сары қымыз сапырулы сабаң болсын.
Төрт бақыт, жеті байлық жолдас деген,
Барлығы осының саған болсын,-
деп кідіргенде Қошқар абыздың алдына ішік қойып, ат мінгізіпті.
Жинап ұсынушы Шүкірұлы.
|
