Сұрақ: Шашым түсуі мазалап жүр. Қандай бірнеше халық емін ұсынар едіңіздер.
Нұрғайша,
Өскемен қаласы
Жауап:Шаштың өсуіне ықпал жасап, түсірмейтін халық емі бар. 1. Лимонды сығып, сөлін 1 ас қасық етіп жинайды, оған пиязды сығып, сөліне бір жұмыртқаның сарысын қосып араластырады. Аптасына бір рет осы қоспаны шаш түбіне жағып целофанмен 2 сағат бойы байлап, танып тастайды. Сыртынан қалың орамал байлап қояды. Соңынан шашты жуып, шайып тастайды. 2. Кәріқыз шөбінің (лопух большой) тұнбасын алып, шашты шайып жүрсе, шаш өсуі жақсарып, түсуін төмендетеді.
3. Шаш түсуіне қарсы таптырмас ем-кәдімгі қалақай шөбі (крапива). Бір стақан қайнаған суға бір шай қасық үйіп құрғақ қалақай шөбін салып, 20 минут ұстайды. Соңынан сүзіп алып, шашты шаю қажет.

Тамақ ауруын сауықтыруға көмектесетін тиімді әдіс туралы айтсам деймін.
Қоспаны дайындау әрі қолдану әдісі:
а)емен қабығының алты бөлігі, жұпаргүл шөбінің төрт бөлігі;
б)шалфей жапырағының бір бөлігі, құлқайыр гүлінің бір бөлігінен дайындалған қоспаны тамақ алдында 20 минут бұрын күніне 3 мезгіл ішу керек.