«Алыстан алаш десе аттанамын,
Қазақты қазақ десе мақтанамын.
Болғанда әкем қазақ, анам қазақ
Мен неге қазақтықтан сақтанамын»-
деген Міржақып Дулатов атамыздың өлең шумағымен басталды Өскемен қаласының «Мухамади» мешітінің әйелдер сауат ашу курсының ашық сабақ легі.
«Ислам-қазақ халқының рухани негізі»-атты тақырыпты қамтыған ашық сабақ алғы сөзі, мешіттің бас имамы Ибрагим қажы Қарнақбайұлына берілді.
Бас мүфтиіміз Ержан қажы Малғажыұлының «Дін мен дәстүр» атты кітабын насихаттау арқылы, ата-бабаларымыздың діндегі орындарын сөзге тиек еткен Ибрагим қажы келешек ұрпақты бабаларымыздың аманат етіп тастаған тағылымды салт-дәстүрін қадірлей білсек, сол кезде ғана қазақ қазақтығын сақтай аларын алға тартты.
Жиналған әйел жамағатына білім нұрымен нұрлануларын ақ тілек етіп, Қажы апалармен бірге бата берді. Дәрістің барысы аталған мешіттің әйелдер ұстазы Қожахметова Талшын Зарқымқызының «Ғасырлар бойы бостандықты аңсаған ер жүрек бабаларымыздың армандары, егеменді еліміздің көк байрағының желбіреуімен, Жаратқанның қолдауымен орындалды. Аталардың қанымен, аналардың жасымен тәуелсіздігімізге қол жеткіздік. Тіліміз, дініміз, қасиетті дініміз оралып, еліміздің әр түкпірінде мешіттер ашылып, азандары жанданды...»-деді.
Өскемен қаласы,
«Мұхамади» мешітінің баспасөз қызметі.
(«Ислам нұры» мамыр 2014 ж мақаладан үзінді алынды)