Ағымдағы бұқаралық-ақпарат құралдарында жарияланған мына бір дерек өзіне еріксіз назар аудартатыны анық.
Бұған дейін әлемдегі ең үлкен Құран кітап Татарстандағы мұражайда болатын. Енді одан да зор қасиетті кітап жарық көрді.
Ауғанстанда тасқа басылған кітапты әзірлеуге каллиграфтар бақандай 5 жылын арнапты. Осынша уақыт ішінде әзірленген кітаптың сыртқы мұқабасын әзірлеуге 21 малдың терісінен иленген былғары кеткен екен. 218 беттен тұраты кітаптың салмағы-500 келі. Биіктігі-2,28 метр, ені-1,55 метр болатын кітапқа баспагерлер тек қағаз ғана емес, матаны да пайдаланыпты. Guardian сайты қасиетті кітаптың бағасы 360 мың евро екенін жазған.
