Жалғасы...
Адам сөйлескенше
Жылқы кісінескенше.
Бұрынғының кісісі-
Бүгінгінің кішісі.
Тау тауға қосылмас,
Адам адамға қосылады.
Болған кісі болдым демес,
Болдым десе болғаны емес.
Ай толғанын білмес,
Жігіт болғанын білмес.
Дүниеде тас қатты,
Тастан да бас қатты.
Адам құлақтан азады,
Көңілден семіреді.
Әдептілік ар-ұят-
Адамдықтың белгісі,
Тұрпайы мінез, тағы жат-
Надандықтың белгісі.
Дүниеқор-дүниенің құлы.
Сыртың сайлы болғанша
Ішің майлы болсын.
Ақылсыз адам айқайлай келеді,
Жан-жағын жайпай келеді.
Ақылды адам жай, жай келеді.
Жан-жағын байқай келеді.
Адамның күні адаммен.
Қарай адам күншіл,
Мекер адам міншіл.
Жерік талғамайды,
Ашық алдамайды.
Көз–нұрдың ұясы,
Көңіл-сырдың ұясы.
Адамның жүрген жері-абат.
Саналы адам
Сағынды сындырмас,
Санасыз адам
Жағыңды тындырмас.
Екі аяқты адам түгіл
Төрт аяқты мал да ақсайды.
|
