Күшіген (тазқара) ысқырса, адам өледі. (М. Қашқари.)
Ібілістің сөзіне сеніп болмайды. (М. Әлі.)
Халыққа «дүние малдан безу керек!» деп, шариғат үйреткен кісі ақша тауып, алтын жинап-озады. Оған сенген адам босқа тозады. (С. Сарайи.)
Мекеге бара жатқан сорлының жолында кездескен бір бұтаның көлеңкесі де сұлтанның шатырындай көрінеді. (С. Сарайи.)
Тәуба қылу арқылы құдайдың қаһарынан құтылып кетуге болатын шығар, бірақ жұрттың сөзінен құтыла алмайсың. (С. Сарайи.)
Дүниені тынбай кезсең-білесің:
Тиер саған жазмыштағы үлесің. (Ю. Баласағұни.)
Кім құдайдан безсе, шайтан соны сүйеді. (Ю. Баласағұни.)
Күшің бізге жеткенмен құдайға жетпейді. (С. Сарайи.)
Ділгер ердің қажетін сен өтесең, сенің мағдар ісіңді құдай бітіреді. (С. Сарайи.)
Өмірде қиянат жасағанның қиямет-қайымда қолы дірілдейді. (С. Сарайи.)
|
