1. Баланың жетістігін байқап, көре білу керек.
2. Жақсы сынып жетекшісі болғыңыз келсе, онда талмай ізденіп, ешқашан жалықпауға әдеттеніңіз.
3. Балалардың бетінен қақпай, ақылмен жол көрсеткен дұрыс.
4. Бұйрық бергеннен гөрі иландыруға, түсіндіруге тырысқан жақсы.
5. Эстетикалық талғамыңыз жоғары болсын, балаларды өнердің озық үлгілеріне, жарасымдылыққа, жарастыққа, сәнге жетелей білген абзал.
6. Балалардың қателескенінен қорықпау керек, ол келешекке сабақ болады.
7. Өз уақытыңызды да, балалардың уақытын да бағалай білген жөн.
8. Балаларға өз істерінің түпкі нәтижесін көретін істерді тапсыра білу маңызды.
9. Жақсы ұстаз оқушыларымен тіл табысып қана қоймай, сырласа да біледі.
10. Жұмысты күнкөріс қамы деп қабылдау дұрыс емес, мектеп пен сыныпты күнкөрістің күйбең тіршілігімен салыстыруға болмайды.
11. Баланың ісіндегі әрбір қайшылықты көре білген жақсы, кейде байқамаған болып, елеусіз қалдыра да білу керек.
12. Үнемі кінәліні іздеп, жазалау беру жақсы емес.
13. Неғұрлым әділ болсаңыз, соғұрлым мәртебелі боласыз.
14. Оқушыға жұмыс тапсырсаңыз, ол ынтасымен атқаратындай етіп қызықтыра біліңіз.
15. Барлық уақытта балалармен кеңесіп отырудың маңызы зор.
16. Ашуланған жағдайда ыза ұзаққа созылмасын. Ашуды тез ұмытуға тырысу керек.
17. Мектеп-қоғам-отбасы. Осы үш ұғымның беріктігін сақтай біліңіз.
18. Мұғалім-оқушы, ата-ана арасындағы жақындастықты үзбей, нығайта түсіңіз.
19. Баланың тағдырына ойланып қарау керек.
20. Баланы таң қалдыруды ұмытпаңыз. Даналыққа ұмтылу таң қалудан басталады.
("Керек кеңестер" № 216 2011ж)
|
