Қойдың сүті қорғасын,
Қойды соққан оңбаған.

Малды бақсаң, қойды бақ,
Май кетпейді шарадан.
Ит асырасаң сырттаннан,
Қой бермейді қорадан.

Арық қой тырысқақ,
Аш адам ұрысқақ.

Қой семізі-қойшыдан.

Қой өлсе-қозы болады,
Келер жылы өзі болады.

Тоқал ешкі мүйіз сұраймын деп,
Құлағынан айрылыпты.
Қасапшыға мал қайғы,
Қара ешкіге жан қайғы.

Көрмес, түйені де көрмес.

Жалғыз түйе бақырауық,
Жалғыз бала жылауық.

Ат ерінді келер
Ер мұрынды келер.

Жүйрік тоқтығын білдірмес,
Жомарт жоқтығын білдірмес.