(Еркін аудармалар)
Жарнама берушіге біреу мынадай сұрақ қойды:
-Осы Сіздер темекінің неше түрін, шампунь, иісті сулардың, тіпті арақтардың түр-түрін жарнамалап жатасыздар. Құрғақ шарап жақсы дейсіздер ме, неше түрлі кір жуатын ұнтақтарды, сабындарды көтермелеп жер-көкке, сыйғызбай мақтайсыздар. Ал кітаптарға неге жарнама жасамайсыздар, осыған жауап беріңізші?..
Жауап ала алмады...
Өзеуреме
Көңілді кешіңді бой жеткенмен кездескенде бұзып алма. Өзіңше әлдеқандай болып өзеуреп:
-Осы сен мені нем үшін ұнатып қалдың?-деп басын қатырма, өйткені ол: «шынында бұл сумырынның кісі сүйер қылығы жоқ сияқты», деп ойланып қалса құрисың ғой,-деді ағасы інісіне...
Кім білсін, өзінің басынан өткен оқиға ма, ол жағы құпия секілді.

  Жемістердің ішінде алманы жылдың қай мезгілінде болсын үнемі қолданамыз десем, артық болмас. Оның ағзаға тигізер пайдасынан хабардар болғанымыз дұрыс болар деген ниетте, өзім білетін алманың қасиеті, оның қандай сырқаттарға пайдасы зор екенін айтқым келеді.
  Алма С, В, В2, Р, Е, каротин, калий, темір, марганец, кальций, қант және көптеген пайдалы химиялық элементтерге бай.
  Ол бүйрек аурулары үшін, әсіресе инфаркт ауруларына шалдыққандарға аса қажет дәм. Бүйрек ауруымен ісіп кеткендер үшін шипалы сусын әрі ас. Алма қабығынан қайнатылған сусын салмағынан арылушылар үшін таптырмайтын дәрі.
М. Шалғынбай,
Шымкент қаласы.