Толғау
Ойламаңдар жігіттер,Баста дәурен тұрмайды.Өтіп кеткен сұм жалған,Қайтып мойын бұрмайды.Адам қонақ өмірге,Бір күні қолын бұлғайды.Тірліктің түбі белгісіз,Ағын бір судай зырлайды.Опасыз мынау дүние,Тұтқа болған кімдерге.Өмірдің соңы өкініш,Санамен ойлап білгенге.Қадірі болмас адамның,Ортаңда тірі жүргенде.Орны қалар ойсырап,Бір күні көрге кіргенде.Асыл жырым тыңдалмас,Ақылға салып білмесең.Алтынға балап әр сөзін,Құлағыңа ілмесең.Жүрегіңе нұр құяр,Жақсы сөзді күндесең.Түбінде қор боларсың,Тағдырға кетер күнде есең.Қызыл түлкі секілді,Уақыт, шіркін, алдайды.Қызылшыл болсаң базарлап,Түбінде саған сол қайғы.Еңбекпен еккен бәйтерек,Терің тамса солмайды.Қулықпен тапқан мал арам,Ізінде қайыр болмайды.Тағдырға мынау алдамшы,Шалдырмай бәлкім кетерсің.Жақыныңды жат қылып,Мұратыңа жетерсің.Амалсыздан бір күні.Қанағат сен де етерсің.Желігіп келсең өмірге,Жерініп түбі өтерсің.Мәнсапқа жетсең адал бол,Қызмет ет халқыңа.Әнін үйрен, күйін ұқ,Басыңды ій салтына.Қарашада қара үй тұр,Қарайлай жүр артыңа.Жолдас болма жаманмен,Көзің жетпей парқына.Өзіңді біреу мақтаса,Елігіп оған тасыма.Бетіңе айтар адал дос,Жау деп оны жасыма.Бәрін де кейін көрерсің,Іс түскенде басыңа.Күні үшін жүрген қулардың,Бірі қалмас қасыңда. |
