Сұрақ:
Республикамыздың тәуелсіздігіне 20-жыл толуына байланысты бүкіл еліміздегі сияқты біздің мектеп ұжымы да түрлі мәдени шараларды жүзеге асырып келеді. Осыған сәйкес ойын-сауық кешімізде алуан әндер шырқалып, күйлер шертіледі. Сондағы бір талап орындалатын туындылардың авторлары толық көрсетілуі қажет және әндер болса олардың мәтіндері бұзылмауы керек болып отыр.
Сіздерден сұрайтынымыз-Асқар Жүнісбековтің орындайтын «Жаса, Қазақстан!» әнінің толық мәтінін оқысақ дейміз.
Сәбира, Зырян қаласы
Жауап:
Бұл әншінің орындайтын «Жаса, Қазақстан!» туындысының әні Ержан Серікбаевтікі, сөзі Анар Жапарқұлованікі.
Мәтіні мынадай:
Жарқын көңіл, жайсаң ел, қазағым,
Өз ұраның айтылсын, өз әнің,
Ана тілдің айбыны асқақтап,
Болсын таза дін.
Батыр ұлдар көшін бастаған,
Жасымасын жас ұрпақ жас балаң,
Ашық аспан астында,
Мәртебең артсын басқадан.
Қайырмасы:
Жаса Қазақстан, жаса менің қазағым,
Артта қалды қиындық пен азабың.
Жаса Қазақстан, жаса менің ұлы елім,
Атқан таңдай ашық болсын ажарың.
Жаса, Қазақстан, алаш жұртым ардағым,
Алтын бесік, байтақ далам бар бағым,
Жаса, Қазақстан, атамекен тұрағым,
Көк аспанда желбіресін байрағың.
Даламызға мұрагер халқымыз,
Баламызға мақтаныш даңқымыз.
Ұмытылмай ұрпаққа ұлассын,
Дәстүр-салтымыз.
Ару қыздар, аяулы ақ гүлім,
Шаңырақтың шырағын жақ бүгін.
Думандатып тойласын,
Әрқашан елім шаттығын.
Қайырмасы.
|
