Бұл заманда не ғаріп?
Ақ қалалы боз ғаріп,
Жақсыларға айтпаған
Асыл шырын сөз ғаріп.
Замандасы болмаса,
Қариялар болар тез ғаріп,
Қадірін жеңге білмесе,
Бойға жеткен қыз ғаріп.
Ел жағалай қонбаса,
Бетегелі бел ғаріп.
Қаз-үйрегі болмаса,
Айдын-шалқар көл ғаріп.
Мүритін тауып алмаса,
Азғын болса пір ғаріп.
Ата жұрты бұқара
Өз қолында болмаса,
Қанша жақсы болса да,
Қайратты туған ер ғаріп.
 

Алтыныңа сенгенше,
ақылыңа сен.

Үйдегі сөз базарға жарамайды.

Кісіде ақыл болмаса,
Көз дегенің құр әйнек.

Орақ ұстап әкең қалғанша,
Оймақ ұстап шешең қалсын.

Атың жүрдек болса,
Қамшы не керек.

Табыстың бір ұшы білекте,
Бір ұшы жүректе.

Көрге кірген тірі шықпас,
Үйге кірген құр шықпас.

Ұры айдан қорқады.

Жаманның кесепаты бір шақырым
 ілгері жүреді.

Қателескеннен қатені түзетпеген жаман.

Мұздан өтсең, ағып өт,
Ойылғанша өтерсің.
... Толығымен (Подробнее)»