Үндістанның әйелдерге арналған «Фемина» журналы «Бақытты болудың 100 тәсілі» деген мақала жарияланыпты. Онда отбасылы адамдардың тыныс-тіршілігін зерттейтін Макалакшми есімді маман қайғы-мұңсыз болудың жолдары жайлы мынадай кеңес береді.
-Отбасылы болғанға дейін жеке өмірімде үлкен бір жетістікке ие болуым қажет. Сол үшін күресемін.
-Мен үйлену тойыма қаражатты көп шашпаймын. Қайта ондай шығынға жеке шаруашылық ұйымдастырамын.
-Мен тек қана өзімнің күш-қайратыма сенемін. Жұбайымнан көп нәрседен үміт күтудің қажеті жоқ. Өйткені ол көп талап-тілектерден мезі болып, көңілімді қалдыруы мүмкін.
-Мен жұбайымның жақсы қасиеттерін ашуға тырысамын.
-Оған өз жұмысы, мансабы әр түрлі мүмкіндіктерді қалай пайдалану керектігі туралы кеңестер беруден аулақпын. Мен мұндай данышпандық ойларды, пайдалы кеңестерді өзіме пайдаланғаным абзал ғой.
Жұбайыммен кейбір ымыраға келмейтін мәселелер жөнінде ғана ренжісуім мүмкін. Ол үшін мен келісе алмайтын пікіріме алдын-ала тізім жасап, көңіліме тоқып қоямын. Ал егерде болмашы ұсақ-түйектен ұрыс шықса, басқа бөлмеге кетіп қалуға тырысамын немесе көшеге серуендеп келемін.
-Мен өзімнің және жұбайымның ата-анасымен, туған-туыс, дос-жарандарымен арадағы қарым-қатынасты дұрыс жолға қоюға тырысамын.
Осы ойды іштей болса да жиі қайталап, оны өмірде іске асырған адам отбасылық өмірде бақытты болатыны дәлелденген.
|
