Ақылды бала
Баяғыда бір бала жеті жасында ақылды бала атаныпты. Сол ақылды бала туралы әңгімені естігенде бір шал:-Оның несі жақсы дейсің. Адам бала күнінде ақылды болса, қартайғанда ақымақ болады,-депті.Мұны әлгі ақылды бала тыңдап тұр екен. Ол дереу шалдан:-Ата, сіз бала күніңізде өте ақылды болған шығарсыз,-дейді.(«Қазақтың күлдіргі-сықақ әңгімелерінен»)
Үйге кіргенде
(орысша әзілдерден)
Мығым жігіттің үйіне алған кірген бойжеткенге өзімсініп айтқан сөзі мынау болды:
-Кір! Кір! Ешқандай қысылма. Бұл үйді өз үйіңдей көр.... Әне шаңсорғыш жатыр, бөлмелерді тап-тұйнақтай етіп тазалап шық...
Көрші
Көршісі үй иесіне сұрақ тастады:
-Апыр-ау, көрші! Сіз не қылған шыдамды адамсыз. Сіздің әйеліңіз күнде ұрсысады, шыны-аяқтарыңызды қатты сындырып, иттеріңізге айқайлағанда төңірек түгел жер сілкінгендей болады ғой?..
-Ой, бұл дегеніңіз түкке тұрмайды,-деп жауап қатты көршісі,-егер оның көңіл күйі жақсы болып, шырқыраған әндерін шырқыраса, басыңыз айналып, көз алдыңыз тұманданып кетеді.
|
