Сұрақ:
-Қалай бақытты болуға болады? Осы сауал төңірегінде не айтар едіңіздер?
Нәзигүл, Өскемен қаласы
Жауап:
Бұл сұрағыңыз жөнінде талай түрлі әдебиеттерде, бұқаралық-ақпарат құралдарында кеңінен жарияланып жатады. Нәзигүл, біз бұл жолы сіздің және басқа да замандастарымыздың назарына солардың бірінде («Оңаша» №1, 2011жыл) жарық көрген «Бақытты болғыңыз келсе...» деген пайдалы кеңестерді ықшамдап ұсынуды жөн көрдік.
Біреу: «Адам қағынан жарылғанда-ақ бақытты болып туылады» дейді. Екіншісі: «Адамның бақытты болмағы-Алланың пешенесіне жазған жазуына байланысты» дегенге иланады. Үшіншісі: «Бақыт-әр адамның жұлдызының әсерімен келетін құбылыс» дегенді малданады. Кім білсін, осының бәрінде де шым-шым шындық жатқан болар...
Ойламаған жерден бас айналдырарлықтай бақ қонып, байып кетермін деп сену-бос далбаса.
Кез келген ақыл-есі дұрыс адам әлдебір қолдаушы күштерге сенуден бас тартып, тек өзіне, өз күшіне ғана үміт артуға тиіс. Адамды бақытсыз ететін нәрсе-ерік-жігерінің әлсіздігі мен тәуекелсіздік.
Қолға алған істі тоқтатпаңыз. Бүгін бітіруге болатын шаруаны ешқашан ертеңге қалдырма.
Есіңізде болсын, кез келген істі тоқтату немесе сылбырлыққа салыну сізге тек қана зиянын тигізеді.
Жалғасы бар...
|
