Главная » 2012»Январь»09 » Біз жер учаскесін сатып алып, барлық құжаттарды реттеп, жерге деген...
Біз жер учаскесін сатып алып, барлық құжаттарды реттеп, жерге деген...
15:48
Сұрақ: Сәлеметсіз бе! Біз жер учаскесін сатып алып, барлық құжаттарды реттеп, жерге деген меншік құқығын тіркедік. Меншік құқығы заңмен қорғалады. Кімде-кім, мәселен, көрші учаскенің иеленушілері біздің учаскімізге пайдалану құқығына иелене ала ма? Асқар
Жауап: Көршi жер учаскесiн шектеулi пайдалану құқығы жеке сервитут деп аталады. Қазақстан Республикасының Жер кодексінің 69 бабына сәйкес көрші немесе өзге де мүдделі тұлға бұл құқықтарды беру жөнінде келесі жағдайларда талап ете алады: - егер жеке меншiк иесiнiң немесе жер пайдаланушының өз учаскесiне басқа жолмен өтуi мүмкiн болмаса, өте қиын болса немесе шамадан тыс шығындарды керек етсе, көршi немесе өзге де жер учаскесi арқылы жаяу және көлiкпен жүрiп өтудi; - көршi немесе өзге де учаскеге сервитут белгiленбейiнше қамтамасыз етуге болмайтын, электр таратудың, байланыстың қажеттi желiлерiн тартуды және пайдалануды, сумен, субұрғышпен, жылумен жабдықтауды, мелиорацияны және жеке меншiк иесiнiң немесе жер пайдаланушының басқа да қажеттерiн қамтамасыз ету үшiн белгiленуi мүмкiн. Бұл деген сөз көрші жағынан бұндай құқықты беруді талап ету тек өз учаскесiне басқа жолмен өтуi мүмкiн болмаса, өте қиын болса немесе коммуникация салу үшін болуы мүмкін. Мысалы, тек сіздің учаскеңіз арқылы ортақ пайдаланудағы жолға шығу мүмкін болса. Немесе, сіздің учаскеңізсіз су құбырын тарту мүкін болмаса. Егер де, бұндай жағдайлар болмаса, көршінің талабы негізсіз деп санауға болады. Жоғарыда айтылған жағдайлар болғанда, көршіңіз сізге сервитут орнату туралы шартты жасасу жөнінде ұсыныспен келуі тиіс, ал егер де сіз одан бас тартатын болсаңыз өз құқығын сотта қорғауы тиіс. Сондай-ақ, бұл жағдайда шектеулі түрде жер пайдаланушы тұлғадан сіздің учаскеңізді пайдаланғаны үшін сәйкесінше төлемді талап етуіңізге құқылысыз. Бұл төлемнің мөлшері жер учаскесін жалға беру мемлекеттік көрсеткіштерден артық болмайды.
Сұрақ: Сәлеметсіз бе! Біз жер учаскесін сатып алып, барлық құжаттарды реттеп, жерге деген меншік құқығын тіркедік. Меншік құқығы заңмен қорғалады.
