Сұрақ:-Адамның ішкен-жеген тамағынан мінез-құлқы аңғарылады деген рас па? Осындай сөзді естігенде таң қалдым.Дина, Өскемен қаласы
Жауап:Бұқаралық-ақпарат құралдарында ондай болжамдар баршылық.Мәселен, американдық ғалымдар әйелдерге қатысты тағы бір тың жаңалық ашыпты. Олардың пайымдауынша, тәттіге үйір әйел мен қант-кәмпитке қызықпайтын әйелдің арасында көп ерекшеліктер бар көрінеді. Зерттеушілер ұзақ жылғы тәжірибесінің нәтижесінде тәттіге құмар қыздардан болашақта ең жақсы әйел шығатынын айтады. Солтүстік Дакота университетінің ғалымдары қантсыз шай ішпейтін, күніне кем дегенде, екі не одан да көп кәмпит, шоколад жейтін әйелдің сүйкімділігі мен мейірімділігі өзгелерден анағұрлым басым екенін дәлелдепті. Сонымен қатар тәттіге үйір әйелдердің арасында көңілді, оптимистері мен жүзінен жылу төгіліп тұратындары жиі кездесетінін де сенімді айтуда. Тәжірибе барысында ғалымдар тәтті мен қышқыл тағамдары қатар қойып, мыңдаған әйелге сынақ өткізген. Күнделікті тамақ мәзірін қант, кәмпитсіз елестете алмайтынын айтқан келіншектердің мінезі ашық жарқын, өзгелерге қол ұшын созуға дайын тұратын, шынайы дос бола алатындарын жасырмай, ең алдымен қолдарын тәттіге созған. Ал бұл типке қарама-қарсы топтың келіншектері қышқыл немесе ащы тағамды таңдапты. Зерттеу жұмысын ұйымдастырушы, профессор Брайан Майер әрбір тағамның дәмі, исі адам мінезіне, көңіл күйіне тікелей әсер етіп қана қоймай, оның ішкі сезімінен де хабар береді екен.
|
