Ағымдағы бұқаралық-ақпарат құралдарында елең еткізген бір хабар осыдан біраз бұрын жарияланған ең үлкен құран кітап туралы білгеніңіз артық болмас.
Онда былай делінген-бұған дейін әлемдегі ең үлкен Құран кітап Татарстандағы мұражайда болатын. Енді одан да зор қасиетті кітап жарық көрді.
Ауғанстанда тасқа басылған кітапты әзірлеуге каллиграфтар бақандай 5 жылын арнапты. Осынша уақыт ішінде әзірленген кітаптың сыртқы мұқабасын әзірлеуге 21 малдың терісінен иленген былғары кеткен екен. 218 беттен тұратын кітаптың салмағы 500 келі. Биіктігі-2,28 метр, ені-1,55 метр болатын кітапқа баспагерлер тек қағаз ғана емес, матаны да пайдаланыпты. Guardian сайты қасиетті кітаптың бағасы 360 мың евро екенін жазған.
|
