Құранда Алла (Т) «Киімдердің жақсысы-тақуалық киім. Онда Алланың белгілері бар» дейді. Пайғамбарымызға (с.ғ.с.): «Ей, Мұхаммед (ғ.с.) әйелдеріңе, қыздарыңа, бөгде қыздарға жеткіз. Бүркеншіктерін орансын. Омырауларына түсірсін» деп, орамал тартып, ұзын, кең киім киген әйел, қыздардың Аллаға сүйікті, адамдарға сыйлы болып, құрметті орынға енетіні уәде етілген.
Сондықтан бұл киім үлгісі-барша адамзатқа Алладан үкім, ал кейбіреулердің байбалам салуынша арабқа еліктеу не түрікшелену емес.
Қазір жер жүзі, соның ішінде қазақ елі де атеизм әсерінен, үлгіні батысша енгізіп алған. Жас болсын, кәрі болсын ерекше шалбар киюде. Бұрындары шалбар тек қара жұмыс киімі болып, онымен әкесінің алдында көріну, тойға, көпшілік орынға бару өрескел, әдепсіздік саналатын.
Бұрым өсіру сирек. Әйел сұлулығы-шаш. Ал, бұрымдары қырқылған үлгі-тек түрмеге түскендердікі болған.
Енді осылар аз болғандай, батыс киноларындағыдай кіндікті ашып тастап жүру шықты. Юбка кигендердің өздері балтырларын жарқ-жұрқ еткізіп, жырып тастаған. Осындай анайы киінулер күнә екенін күнделікті өмірде кейбір адамдар сезіне бермейді. Құранда (Т): «Ей, адамдар, шайтан ата-аналарыңды жалаңаштап, жәннәттан шығарғаны сияқты, сендерді де жалаңаштап күнаға батырмасын. Сақсыныңдар» дейді. Жалғасы бар....
А.Сәрсенбаева
|
