«Сендерден кімде-кім оразада ұмытып ішіп-жеп қойса, оны Аллаһ Тағала тамақтандырып, сусындатқаны. Ол адам оразасын толықтырсын.»
Түсініктеме: «...оразасын толықтырсын...»-шариғат бойынша төмендегідей жағдайда ораза бұзылмайды:
1. Ұмытып ішіп-жеу. Бұл жағдайда ораза екені еске түскеннен ішіп-жеуден тиылу керек;
2. Әлсірететіндей мөлшерде қан алдыру. Анализ үшін қан алдырту оразаны бұзбайды;
3. Еріксіз тамағына түтін, тозаң, шыбын кіру;
4. Бой дәретсіз таң аттыру. Мысалы, ерлі-зайыптылар жыныс-қатынасынан кейін;
5. Түкірік жұту;
6. Тістің арасындағы көлемі бұршақтан кішкентай нәрсені жұту;
7. Ұйықтап жатып ихтилам болу.
Хадисті Әбу Һурайрадан (р.л.ғ.) Имам Бухари және Имам Муслим риуаят етті.
«Нәби (с.ғ.с.) бойы дәретсіз халде таң аттырса шомылатын, кейін ауыз бекітетін.»
Түсініктеме: Бойы дәретсіз халде таң аттырған адам, сәресі ішкенге уақыты аз болған жағдайда, алдымен сәресі ішіп, кейін шомылып ауыз бекітсе болады.
Хадисті Айша (р.л.ғ.) және Умму Сәләма анамыздан (р.л.ғ.) Имам Тирмизи риуаят етті.
|
