Көшеде көлденең жүрген бір-екі кісіге кездескен біреу «мына дүкеннен нені болсын ешкімге байқатпай алып шыға аламын» деп мақтанады. Оны тыңдап тұрғандардың біреуі тіпті бір қорап кәмпит алып шыға алсаң елу теңге тігейін деп бәстеседі.
-Мені осы арадан күт,-деп мұны босағада қалдырып, мақтаншақ ізінше бір қорап кәмпитті қолтықтап қайта шығады.
-Міне, айтқанымда тұрдым, енді бәсіңізді беріңіз.
-Шынында епті екенсіз,-дейді анау.-Бірақ мен қылмысқа қарсы күресетін полиция адамымын. Сізді ұрлығыңыз үшін апарып қамауға тиіспін.
-Оған асықпаңыз,-деп күлді мақтаншақ,-Мен осы дүкеннің иесі боламын.
М. Төктебайұлы
|
|
Ел аңқау болса, доңыз төбеге шығады.
Жапа шеккен опа көрер.
Іс көп-темір аз,
Ұста көп-көмір аз.
Тек жатардан тәңірі де безер.
Аузы қисық болса да,
Байдың қызы бай таңдар.
Іші пысқан қатын ісі бардың ісін қалдырар.
Аштан өлгеннің қойнынан ақ нан іздеме.
Бар жерінде бал да арзан.
Күмән сенімнен айырар.
Өзін-өзі түсінген-кемеңгер.
Жақсы әйел мен жақсы ат
Күлмей тұрып күлдірер.
Жаман әйел, жаман ат
Өлмей тұріп өлтірер.
Қаңғыбас ерге барғанша,
Қазулы көрге бар.
Құрғақ сөз құлаққа жақпас.
Жаны сауға күнде той.
Есек семірсе, иесін тебеді.
|
|
Бісмілла, бісмілладан деп айтамыз,
Жаман сөз жарамаған неге айтамыз?
Жаман сөз жарамаған біз айтпаймыз,
Мұхаммед құдай досы деп айтамыз.
Бісмілла, бісмілладан екеу екен,
Жүйрікті шабан қуып жете ме екен?
Барында тіршіліктің иман ізде,
Өлген соң имансыз жан бекер екен.
Бісмілла, бісмілладан бірден сабақ,
Алдында үлкендердің жезден табақ.
Бермесең тірі күнде «зекет-ұшыр»,
Өлген соң алдың тозақ, артың қамақ.
Бісмілла, бісмілладан бісмілла ашар,
Білмейді бісмілланы кейбір нашар.
Аузыңнан бісмілланы тастамасаң,
Періште жолыңды ашып, шайтан қашар.
Ей, Алла, беріп ең сен адамшылық,
Танылмас тап бермеде наданшылық.
Мұхаммед үмбетімін, сиынамын,
Денеме дарытпас деп жаманшылық!
Ел ішінен жазып алған О. Асқар
| |
