|
Махаббатта ашу-кек жоқ,
Достықта қошемет жоқ.
Сүйіктің жоқта дүние суық.
Шынайы сезім шытынамайды.
Көз мыңды көрер,
Көңіл бірді сүйер.
Азапсыз махаббат-
Арзан махаббат.
Махаббат бар жерде-машақат бар.
Сұлу сүйген емес, сүйген сұлу.
Адам болар жігіттің
Жары өзіне лайық.
Керуен бастар жігіттің
Нары өзіне лайық.
Алмауыттан ат мінсең,
Жақын болар алысың.
Әдепті, арлы жар сүйсең,
Оңғарылар бар ісің.
Жақсы әйел-теңі жоқ жолдас,
Түбі жоқ сырлас.
Екі жақсы қосылса,
Ай мен күндей жарасар.
Екі жаман қосылса,
Ырылдасар, таласар.
Ағайын тату болса, ат көп,
Абысын тату болса, ас көп.
Келіні жақсы үйдің керегесі алтын.
Ер жігіттің аты жақсы болса, бір бақыт,
Алған жары болса, мың бақыт.
Таза сабаның қымызын іш,
Мейірман ананың қызын ал.
Жақсы жұбай-жарым бақыт.
Келіннің бетін кім ашса, сол ыстық.
|
Ғашықтар жүрген жерде қайғы да бар.С. СарайиАжырасар болған соң, құшып сүйгеннен не пайда.С. Сарайи«Бұл дүние-ғашықтар дүниесі» деп айтады біліктілер.ҚұтыпМахаббат-қашып құтыла алмайтын қайғы.Р. ХорезмиКөрсетсе мейірбандық бейімделіп,Шапағат сыйла сен де пейілденіп.Р. Хорезми
...
Толығымен (Подробнее)»
|
Арпа сұйығы сары қышыманы, бидай сұйығы қара қышыманы құртады. Егер арпа кебегін қазанға салып жақсылап қайнатса, бұл аяқ сүйегі әлсіз, немесе аяғымен тік тұра алмайтындарға өте пайдалы. Егер бірер адамның аяғы, не тізесінде жарақат болса, онда аяғын арпа суына салған абзал. Сонда ол түзеліп кетеді. Бидай кебегі де дәл осылай емге жарайды.
С. Мұқтарұлы
Әзірлеген М. Қалибекқызы
|
|
Құнанбай би Меккеге барып, қажылыққа қол беріп келген жылдың қысында үйінде бір топ адам қонақ болып түстеніп отырады. Біреулер «шаруа қайтсе оңалады, мал-жан қайтсе аман болады?» деседі. Сонда Құнекең:
-Шаруаң оңға айналған шақта,
Мінген атың жүреген болады.
Асыраған итің үреген болады,
Қатының қадірлі болады,
Қызың ажарлы болады,
Малың базарлы болады,
Шөбің шығымды болады,
Малыңа жұғымды болады,
Ұлың білімді болады,
Құлың сенімді болады.-деп, бір тоқталады да, оның аяғын былайша жалғастырады:
Шаруаң солға айналған шақта:
Мінген атың шабан болады,
Асыраған итің жаман болады,
Қатының сараң болады,
Қызың ажарсыз болады,
Малың базарсыз болады,
Шөбің шығымсыз болады,
Малыңа жұғымсыз болады.
Ұлың білімсіз болады,
Құлың сенімсіз болады...
Аумин! -деп, қолын жайып бетін сипапты.
|
|
Еділ бол да, Жайық бол,
Ешкімменен ұрыспа,
Жолдасыңа жау тисе,
Жаныңда аяп тұрыспа.
Ердің құны болса да,
Алдыңа келіп қалған соң,
Қол қусырып барған соң,
Аса кеш те қоя бер,
Бұрынғыны қуыспа.
Ақың болса біреуде
Айыбын тап та ала бер,
Ерегесіп ұрыспа.
Мінезі жаман адамға
Енді қайтіп жуыспа.
Тәуір көрер кісіңмен
Жалған айтып суыспа.
| |
