Шайтан-әртүрлі бейнеде көрінетін, адамды азғырып, күнәға батыруға әрекет жасаушы құбыжық.
Пері-аспанда және су ішінде жүретін зұлымдық күш иесі. Негізінде қыз, әйел бейнесінде көрінеді.
Перизат-періден туған, пері тектес бейне.
Жын-пері-жын мен пері жиынтығы, тобы.
Жын-бақсы мен балгерлерге, диуаналарға қызмет ететін, көзге көрінбейтін зиянды мақұлық.
Әзәзіл-адамды бір-біріне айдап салып, өзара жауықтыратын шайтан.
Ібіліс-адамды пәле, күнә жасауға азғырушы пері.
Әбілет-адамды қылғындырып, тұншықтыратын кесапат.
Сұқ-адамға көз, тіл тигізер қарау бейне.
Шимұрын-адамды жүріп келе жатқан жолынан адастырып, батпаққа батырып өлтіретін шайтанның бір түрі.
Жезтырнақ-ұзын, өткір жез тырнақтарын адамға қадап, кісі өлтіретін әйел бейнесіндегі залым.
Дәу-ересен зор қара күш иесі.
Дию-алып тұлғалы сиқырлы кесір бейне.
Мыстан кемпір-аузы опырайған, шашы жалбыраған, мүсәпір кемпір бейнелі озбыр, көбінесе дәудің шешесі ретінде көрінеді.
Албасты-әйел бейнесіндегі қас күш. Босанар, не босанған әйелдің өкпесін ұрлап тұншықтырушы әбілет.
Жәрдем Кейкин
|
