Сұрақ: Қайтыс болған адамды да арнайы тіркеуден өткізу керек емес пе? Мұнымен қай мекеме айналысады және ол қалай тіркеледі?
Берік Дәуренов.
Қазалы ауданы.
Қызылорда облысы
Жауап:
Қайтыс болуды тіркеу марқұмның тұрақты мекен-жайы немесе қайтыс болған жері бойынша азаматтық хал актілерін жазу бөлімінде тіркеледі. Ол үшін қайтыс болғаны туралы дәрігерлік куәлікті көрсетесіз, ол жоқ болса екі адам куә болуы тиіс.
Қайтыс болғандығы туралы мәлімдеме жеті тәуліктен кешіктірмей жасалуы тиіс. Ал егер адам зорлықпен өлтірілген болса, өзін-өзі өлтірсе, жазатайым жағдайда өлсе немесе басқалай жағдайларда бес күннен кешіктірмей тіркелуі керек. Адамның қайтыс болғандығы туралы мәлімдемені өлген адаммен тұратын, ал ондай адамдар болмаған жағдайда көршілері, тұрғын үй-пайдалану ұйымдарының қызметкерлері немесе адам қайтыс болған жердегі мекеменің әкімшілігі, ішкі істер органдарының қызметкерлері жазбаша немесе ауызша түрде жасайды. Мәлімдеуші қайтыс болған адамның тегі, аты, әкесінің аты, туған жылы, сонғы мекен-жайы және отбасылық жағдайы, қайтыс болған жылы, соңғы мекен-жайы және отбасылық жағдайы, қайтыс болған жылы, айы, күні, себебі сияқты мәліметтерді де хабарлауға міндетті.
("Керек кеңестер" № 3 2011ж)
|
