Малайға маза жоқ.
Үй іші даусыз болмас,
Орман іші аңсыз болмас.
Бар дәміңді басқаның дастарқанында жеме.
Жазушыға қарама,
Жазғанына қара.
Алмұрт піспесе,
Жұлуың қиын.
Қитұрқы істі
Ұғуың қиын.
Үй бақшаның ішінде,
Бақша таудың үстінде.
Қасиын десең, қан шығар,
Қасымайын десең, жан шығар.
Той болғанда жырлауды білмейді,
Ас бергенде жылауды білмейді.
Оттан күл қалар,
Күлден не қалар?
Ашуы қысқанның көзі қызарар,
Ашуы басылса, жүзі қызарар.
Дұшпанның дұшпаны-сенің досың.
Шеге тағаны сақтайды,
Таға тұлпарды сақтайды.
Тұлпар ерін сақтайды,
Ері елін сақтайды.
Жылан басы ауырса, жолға жатар.
Ағаш өзегінен шіриді.
Ақылды қасыңнан қорықпа,
Жарымес досыңнан қорық.
Халықтың ортақ үйі-Отаны.
Айқасқа түскен батыр
Ағасына жалтақтамайды.
Жаужүрек-жомарт келеді.
|
